هل حب البنت خيانه لاهلها ؟؟؟؟

هاااااااااااااااااااااااي

أتمنى من الكل المشاركة في الموضوع ..

لما يحب شاب بنت معينة وصارح أهله أو ربعه بهذا الحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تسير خاينه لأهلها ..
و ما تقدر تصارح حد إلا صديقاتها المقربات و مش دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا الشرقي عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آرائكم ..

السلام عليكم...
اولا احيي حضرتك ع الاسئله لانها فعلا واقع ادامنا و معظمنا مش قدرين حتي نفكر فيها...
السؤال الاول:
اه عيب.. ده مش من دماغي بس حضرتك قلت ف مجتمعنا الشرقي فللاسف معظم الشرقيين مبيعترفوش غير بالارتباط وليس الحب حتي لو شريف..

الثاني:
لأطبعا ده ظلم البنت مشاعرها ذي الولد ويمكن اكتر منة كمان نظرا لطبعها الانثوي..

الثالث:
بالطبع هي دي عاداتنا للأسف...
فمن هنا عشان ميتحكمش ع الحب الشريف بالاعدام لازم تتصرف البنت وتعرف اهلها عشان تبقي في اطار رسمي..
وعذرا للاطاله..
تقبل مروري...

السلام عليكم

الاول برحب بيكم وبتمني اني ابقي ضيف خفيف عليكم

بالنسبه لموضوع الحب

طبعا انتو لسه يمكن سنكم صغير شويه 17 سنه ودا عز مرحله المراهقه

طبعا انا مش بكبر نفسي اوي بس برضه 4 سنين فرق ممكن يعملو شغل

بالنسبه للحب الشريف

انا عن نفسي تعريفي للحب الشريف هو اني ادخل من الباب واتقدم لأهل البنت اللي بقول اني بحبها ويبقي حب راضي عليه ربنا وبموافقه الاهل منبقاش عاملين زي الحراميه بنستخبي لو حد شافنا

الحب بين اي اتنين هو الحب اللي ينتج عنه ارتباط وعشان اقول انا هرتبط يعني لازم اكون قد مسئوليه الارتباط

يعني ميبقاش والدي بيصرف عليا واقول انا عايز ارتبط

لا انا اخلص دراستي واشتغل واكون نفسي بعد كده يجي موضوع الارتباط

اما بالنسبه لسؤالك

انم من حق الرجل انه يفصح عن حبه والمرأه لا فده غلط ومالهوش اي اساس من الصجه

بس امتي الشاب والفتاه يفصحو عن حبهم

لو الشاب قادر انه يتقدم للبنت دي والبنت تكون علي قدر المسئوليه انها تكون اسره

وقتها بس من حق الاتنين انهم يفصحو عن حبهم ما دون ذلك ليس بحب

بل فتره مراهقه وهتعدي

من حق الرجل والمراءه انهم يحبو بس بشروط ومن غير ما يغضبو ربنا بحبهم لبعض في السر

تقبل مرور اخ اكبر

تحياتي

اايه ده كلو بجد كلام 100ميه وهو ده العقلانيه فعلا....
تقبل احترامى وتقديرى....

لا الحب عموما مش عيب ده لو كان حب فعلا وهناخد وقت كتير لو حبينا نعرف انت بتحب بجد ولا لأ ومش معنى ان معظم الشرقيين شايفينه عيب او مش معترفين بيه انه فعلا عيب.
لا مش من حق الشاب ولا من حق الفتاة انهم يفصحوا عن حبهم للى بيحبوه لانهم كده بيعرضوا نفسهم لمشاكل كتير تواجههم من المجتمع ومن الدين مش بقولل على اللى بيواجهوه من الدين مشاكل يعنى استغفر الله بس دى أوامر ولازم ننفذها ولكل حاجة ربنا امر بيها ليها سبب بس بيجى على الشاب لحظة مبيقدرش يكتم حبه ويوح يعترف للى بيحبوا وللأسف بيبقوا مضطرين يواجهوا المشاكل دى وبيبقوا فى حيرة دايمة.
عاداتنا لا تسمح بس او تسمح طالما بتحب حد ومحدش يعرف انت بس اللى بتحبه جوالك وتفصح بقى وقت لما تيجى تتقدم تقولها على مشاعرك كانت ايه ناحيتها من زمان.
معلش سؤال غبى: يعنى ايه ربعه؟ Razz

:P:P

السلام عليكم
اولا فى حاجات وافكار كتير يمكن تكون غلط ويمكن تكون صح بس هى غالبا ظالمه وزى فكرة الحب معظم الناس يعارضوا ان مفيش حب وحرام وغلط حتى لو كان شريف وصادق وممكن تلاقيهم بيعملوا حاجات غلط تانيه ويقولوا عليها انها مش حرام ع حسب رايهم اى ان الانسان بيطوع الاشياء على مزاجه وفى قله قليله بتحترم الحب بس الاغلبيه وللاسف بيرفضوا الموضوع ده
ثانيا برضو فى ظلم فى الموضوع ده من الافكار الشائعه ف المجتمع الشرقى ان البنت مش لازم تصرح بمشاعرها انما الولد ممكن ده فى الراى العام اما رايى الشخصى ان الشخص ال يصرح بحبه ميكنش فى تفرقه بين ولد وبنت لانهم تحت طائله الحب ولايوجد كرامات فى الحب بس الاوجب ان الشخص يحاول يكتم مشاعره بداخله ولا يفصح عنها الاعند الضرورة كما نوة بها الاستاذ braincrack
ثالثا ازاى هتسمح للولد انه يحب والبنت متحبش ازاى يعنى الولد هيحب نفسه مهو اكيد هيحب بنت بردو فده حكم الناس بيتخذوة برضو ومش عرفه هيتنفذ ازاى برضو وده بيدل ع جهل المعتقدين فى هذا الراى لان ايد لوحدها متصقفش فاكيد ان للبنت الحق انها تحب زى الولد مفيش فرق
وشكررراااااااااااااااا على الموضوع الجامد ده بس عوزين نعرف اراء كاتب الموضوع ان سمحتم
وتقبلوا مرورى وارائى Laughing

أسئلة منطقية جدااا

بس اكتر حاجة دايقتني ان اغلب المساهمين في الموضوع بيقولوا كلمة احنا مجتمع شرقي( للأسف) مع ان احنا فمجتمعنا الشرقي ده واخدين حقنا كويس أوي أي بنت أو ولد عايشين بره في أوروبا وأميركا عيشة تانية احنا منقدرش عليها احنا عندنا دينا وعادتنا وتقاليدنا اللي لو طبقناها هنرتاح وهنبعد عن كل الأسئلة دي

أول حاجة لازم نعرفها ان الحب مش حرام لكن استخدامنا ليه هوا اللي حرام وكمان الحب ده غريزة طبيعية في الانسان لكن التوقيت هوا اللي بيضيع الدنيا يعني لو انا بنت عندي 17 سنة وبحب واحد زميلي في الجامعة هنزاكر ولا هنحب؟؟؟ ولو حصل ونجحنا انا هستناه قد ايه على ما يكون نفسه ويبني مستقبله؟؟؟وهفضل قاعدة طول سنين الجامعه بحبه في الظلمة؟؟؟ طب لو حد من أهلي عرف ايه اللي ممكن يحصلي؟؟؟ كل دي متاهات احنا اللي بنحط فيها نفسنا بايدينا لكن لو كل واحد خد قاعدة فحياته (ان من ترك شيئا لله عوضه الله خيرا منه )يعني لازم نتقي الله وناخد الطريق السليم لو فعلا الشاب ده بيحبني هيجيلي ويتقدملي رسمي ولو البنت دي محترمة وبتحبني عمرها ما هتقبل تكلمني او تخرج معايا من غير ارتباط رسمي وكان كل ولد وبنت فينا ما اختارش يملى الفراغ اللي عنده بطريق غير شرعي والمفروض ان كل بنت بتحب واحد من ورا اهلها متفتكرش ان اللي بتحبه ده ممكن يقوم الدنيا ويقعدها لو اتقدملها واحد تاني بالعكس ممكن يبيعكك مع اول عريس وانا مبقولش ان كل الشباب وحشين بس الكويسين قليلين والأكيد ان اللي بيبتدي بتنازل بسيط بينتهي بكل التنازلات...

واعذروني عالإطالة والدعاء من القلب بالهداية لكل شباب وبنات أمتنا

مشرف عدد المساهمات : 39 تاريخ التسجيل : 03/08/2009

السلام عليكم جميعا
انا بصراحة عجبنى اوى الموضوع ده لانه فعلا قضية مهمة جدا فى مجتمعنا
وانا عجبنى اوى راى(afrit) لان فعلا لازم الولد يبقى قد المسؤلية ويبقى كمان
قد الحب نفسه لان للاسف كتير جدا من الشباب والبنات فاهمين الحب غلط اوى
وكمان فكرة الارتباط عندهم بردو غلط انا من راييى لازم فعلا الشاب يدخل البيت من بابه
لانه كده هيكون اولا بيحترم البنت ويحترم اهلها

وربنا يهدى شبابنا وبناتنا لما يحبه ويرضاه
موضوع هااااااايل
تقبى مرورى